Francisco Fernández del Riego: a tinta de Galicia
Francisco Fernández del Riego é a figura homenaxeada neste 2023 no Día das Letras Galegas, unha celebración que el mesmo ideou e puxo en marcha en 1963. É un dos fitos da longa biografía de quen dedicou a súa vida a traballar por dúas causas, Galicia e a liberdade, inseparables a unha da outra. Fíxoo nos tempos esperanzados da súa mocidade, nos difíciles anos da ditadura e con ilusión renovada outra vez en democracia.
A palabra escrita foi a súa ferramenta privilexiada, da que dan testemuño os seus libros e tamén os seus incontables artigos xornalísticos. Ao longo da súa dilatada vinculación con La Voz de Galicia, del Riego entregou máis dun milleiro longo de contribucións dunha gran altura intelectual e expresiva.
Este libro reúne medio cento deses artigos nos que o seu autor dá conta da amplitude das súas miras: viaxes, artistas, a lectura e, claro está, Galicia. Polas súas veas corría a tinta coa que escribiu algunhas das páxinas máis notables da nosa literatura.
Lo sentimos, este contenido es exclusivo para suscriptores
Descubre todas las ventajas de ser suscriptor de La Voz de Galicia
SuscríbeteExclusivo para suscriptores
Para descargar el libro digital o la guía es necesario ser suscriptor de La Voz de Galicia
Inicia sesión o Suscríbete